Er du interessert i berekraftig arealbruk, og ønskjer å jobbe med planprosessar etter plan- og bygningslova?

Om stillinga

Miljøvernavdelinga har ledig fast stilling som plankoordinator, med stillingskode seniorrådgivar.

Miljøvernavdelinga hos Statsforvaltaren er regional statleg miljøvernmynde og arbeider for gjennomføring av nasjonal areal- og miljøvernpolitikk i Rogaland. Vi arbeider mellom anna med naturvern, naturforvaltning, forureining, klima, og gir fråsegn til regionale og kommunale planar etter plan- og bygningslova. Avdelinga har 36 tilsette med stort engasjement for miljø, natur, klima og plan. Miljøvernavdelinga samordnar planarbeidet på embetet, og her har plankoordinatoren ei sentral rolle.

Statsforvaltaren i Rogaland skal, gjennom dialog og skriftlege fråsegn, formidle styringssignal og nasjonale forventningar til kommunale og fylkeskommunale planar. Statsforvaltaren har ei rekke nasjonale ansvarsområde som vi følgjer opp i desse planane. Sentrale fagområde er miljøvern, strandsone, samordna areal- og transportplanlegging, landbruk og jordvern, samfunnstryggleik og beredskap, folkehelse, og barn og unge sine interesser. Vi skal også samordne våre fråsegn med andre statlege regionale instansar.

Stillinga inngår i embetet si plangruppe og koordinerer planarbeidet hos Statsforvaltaren i Rogaland. Alle avdelingane våre samarbeider tett om fråsegn til planar og rettleiing i kommunane sitt arbeid med kommuneplanar, reguleringsplanar og anna planarbeid etter plan- og bygningslova. Du vil få jobbe med svært varierte problemstillingar saman med engasjerte medarbeidarar på miljøvernavdelinga og elles i embetet.

Arbeidsoppgåver

Aktuelle arbeidsoppgåver for stillinga er:

• koordinera planarbeidet i embetet og vår tverrfaglege plangruppe
• formidling av nasjonal og regional politikk knytt til arealforvaltning i kommunale og regionale planprosessar, inkludert presentasjonar og foredrag
• sakshandsaming og kvalitetssikring av fråsegner til planar
• delta i regionalt plansamarbeid
• opplæring i planarbeid internt
• rettleiing og dialog med kommunane
• samarbeid med regionale og statlege sektorstyresmakter
• koordinere meklingar og vere meklingssekretær

Gjennom fråsegn og dialog om kommunale planar, skal miljøvernavdelinga ivareta naturverdiar, hindre forureining og ta klima- og andre miljøomsyn i plan. Berekraftig byutvikling inkludert bustadsosiale omsyn, samfunnstryggleik, folkehelse og universell utforming er andre tilgrensande omsyn som skal integrerast i fråsegn til planar. Plankoordinator har ansvar for å koordinera og samordna embetet sitt arbeid knytt til samfunns- og arealplanlegging. Dette inneber fagleg leiing av det daglege arbeidet i embetet sin tverrfaglege plangruppe.

Kvalifikasjonskrav

Vi ønskjer oss ein dyktig og samfunnsengasjert medarbeidar som

• har relevant utdanning på mastergradsnivå, med fagleg tyngde innan arealplanlegging og plan- og bygningsrett. Utdanning på lågare nivå kan kompenserast med relevant erfaring
• har erfaring frå samfunns- og/eller arealplanlegging
• det er ein fordel med erfaring frå offentleg forvaltning
• har GIS/kartkompetanse
• trivst med tverrfagleg arbeid
• uttrykkjer seg klart skriftleg og munnleg, på begge målformer, og er god på formidling

Personlege eigenskapar

• samarbeider godt og byggjer gode relasjonar
• er strukturert, sjølvstendig og løysingsorientert
• har ein trygg og tydeleg kommunikasjon
• trivst med varierte oppgåver, er effektiv- og tek ansvar
• har evne til å setja seg inn i eit breitt spekter av problemstillingar

• lønn som seniorrådgivar, kr 750 000 - kr 900 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast
• god pensjonsordning (det blir trekt 2 % pensjonsinnskot frå lønna), gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk
• fleksibel arbeidstid og gode arbeidsvilkår i staten
• moglegheit for fagleg utvikling og kompetansebygging
• triveleg arbeidsmiljø i Statens Hus sentralt i Stavanger
• HjemJobbHjem-ordning